Ano na an nangyayari sa Legazpi? Arog na kaan kagarapal an mga elihidong opisyal ta maski si Bong Go ginibo nang adopted son? Kadakul ngani na para-pakilimos na nagkakalat sa kalye dai maasikaso, dadagdagan pa ki saro na an kaya lang isipon an kapakanan kan Presidente bako an kapakanan kan kagabsan?

Sa paagi kan City Resolution No. 14-0034-2019 na sinertipikaran ni Temporary Secretary Aaron R. Apistar, City Councilor Lilian R. Ramirez, and Acting Vice Mayor Vicente F. Baltazar III, nirerekonisar kan city government na adopted son daa kan Legazpi City si Christopher “Bong” Go dahil sa saiyang involvement sa mga proyektong pang-imprastura kan siyudad, asin sa saiyang “Malasakit Center”sa Bicol Regional Teaching and Training Hospital (BRTTH).

Arog na kaan kadangag an mga taga Sangguniang Panlungsod?

1. Bako kuwarta ni Bong Go an ginamit sa mga imprastraktura. Utang iyan kan gobyerno na maski wara na si Mayor Noel Rosal asin an saiyang mga konsehal sa munisipyo, babayadan pa giraray an kan mga taxpayer.
2. Sakali man na imbuwelto si Bong Go sa mga proyektong sinasabi, simple lang ang mensahe kaan: Warang ginigibo an mga taga-City Hall kaya kaipuhan pang may taga-ibang lugar na makiaram.
3. An Malasakit Center, pondo man an kan gobyerno. Nag-e-existir yan sa simpleng rason na warang ginigibo ang mga nasa puwesto sa gobyerno lokal para pag-sirbihan an mga taga-Legazpi.

Wara akong raot na boot kay Bong Go. Kung igwa siyang inisyatibo, dapat magpasalamat kita. Pero an kuwarta kan mga namamanwaan,bako niya kuwarta. Kung iyan ginagamit niya para makakua ki pogi points, corruption an apod kaan. Tapos gigibuhon pa kan mga nasa city hall na aki kan Legazpi? Nasaen na ang mga utak kan mga konsehal kan city hall? Sa bulsa ninda?

Sa May 2019, pito sa incumbent councilors gustong mare-elect. Ini an mga minasunod:

1. ANDES, JAIME RIVERO
2. BALTAZAR, VICENTE III FERNANDEZ
3. BARIZO, JOSE ALFONSO VILLAFUERTE
4. BUBAN, ISMAEL III BALOLOY
5. IMPERIAL, GREGORIO FERNAND MARCHA
6. DIMACULANGAN, LILIBETH MUÑOZ
7. RAMIREZ, LILIAN REBURIANO

Masakat man sa Sangguniang Panlalawigan an mga konsehal na sinda

1. ABADEZA, MELISSA (PDPLBN)
2. BALDO, CHITO (NPC)

Si Konsehal Alan Ranola naman madalagan bilang bise gobernador.

An kumpletong listahan kan mga kandidato sa Legazpi maiiling digdi.

• Commentaries