Even before the Spaniards came, Bicolanos already believe in spirits. Bako tabi su ispiritung nakakaboyong. Ini su mga inaapod na “tawong-lipod”. Kapamilya sinda kan mga inaapod na duwende, engkanto, asin iba pa.
Pero literally speaking, igwa man ki mga tawong-lipod na puwede mo mahiling, makaptan, asin maka-istorya. Ini su mga tawong lipod sa ngonyan na panahon na mga silent achievers, writers, philantophists, poets, etc. Habo lang ninda maging limelight. An iba nasusupog, an iba habo maging self-serving, asin an iba mas gusto an dai nabibisto. Ini su sinasabi ni Atty. Benjie kan Bulan Observer na an pangaran, Anonymous. Minsan man, an iba dai nadidiskubre dahil su mga tawong dapat magbisto saiya iba man an hinihiling. Pinaka-simpleng ehemplo iyo an eleksiyon kung saen su mga botante mas hinihiling asin mas ibinoboto su sikat (artista, komentarista sa radyo) bako su mga tunay na kuwalipikadong kandidato.
Dahil digdi, naoogma akong i-share saindo an sarong un-edited na kontribusyon kan sarong modernong tawong-lipod na nagpapabistong “M.I.” . An saiyang kontribusyon sarong kasimbagan sa rawit-dawit ni Nery Ronatay naenot na niyatong inilaag sa blog na ini. Salamat tabi M.I. sa kontribusyon.
Nuarin Pa?
Makulog sa boot an sakuyang namamatean
Arog kan dati na dai ko masabutan
Ang enot na pagkamoot na dai nawawara sa puso sagkod pa man
Hinanap, nahiling, mawawara guiraray
Dai sukol ang kulog kan namamatean
At mawara guiraray an haloy na hinanap
Padaba ko, padaba ko, padaba ko
Namumutan ta ka
Pero uni na an satuyang buhay
may iba ng kadamay
Nuarin pa? nuarin pa?
An magkahuron kita
An maghilingan kita
An magsabi kan gabos na namamatean
Na haloy na nagkaturog, kan magmata, nahiling na, mawawara pa?
Haloy ka nang dae nagtaram kan saimong pagkamoot
Haloy kang pighalat, hain ka kan kaipuhan ta ka?
Naghanap ka man lamang sako?
O ako sana pa lan an naghanap saimo?
Haloy na akong luway na ginadan
kan maaraman kong ang pighahalat ko wara na pa lan.
Padaba ko, an pagkamoot ko para saimo
Hain ka???
Iba an kataning sa pagturog
Iba an kataning sa pagkaon
Iba an kataning sa paglakaw sa buhay
Padaba ko, wara na akong pighahalat siguro
Nuarin pa? nuarin pa?
An pighahalat ko ay pagkakataon
na minsan maghilingan man guiraray asin magkahuron
Ang minsang duwang puso na namoot nin dayupot….
Leave a reply to Top Posts and Another Ronatay Piece « Bik-Lish Cancel reply