Since January, work was heavy. Dakul nagtataram: Maray pa ngaya an trabaho mo pa-easy-easy lang.
I smiled and murmured to myself: Kung aram mo lang.
It was seven months. Pero pagmate ko, it was seven decades. Lalo pa kung maagi ka sa mauntog na dinayang highway asin mamrublema sa traffic sa Legazpi o kaya mapagalan maghanap paparadahan sa Iriga. Konsuwelo na lang, dai maurot an buhok mo pag yaon ka sa bulod kan Estanza asin nadudungawan mo an siyudad kan Legazpi asin Albay Gulf, o kaya hinahapros ka kan paros na hale sa dagat samantalang nagpapasiram-siram sa Embarcadero. Medyo malilingawan mo man na embattled palan si Cong. Fernando Gonzalez poon pa kan karampanyahan kung magda-drive ka sa kahalabaan kan Tercer Distrito kan Albay asin pinapandungan ka kan mga kahoy na garo pasiring sa paraiso; o kaya malilingawan mo na igwa ka palan na deadlines kung nasa CWC ka sa Pili, Camarines Sur lalo kung kabungguan mo an nagkakapira mong kabisto. Maisip ka: Ano kaya kung dumiretso na lang ako sa Caramoan? Pero siyempre kaipuhan mo magtrabaho. I-enjoy mo na lang an dalan sa Bicol National Park o kaya sa Quezon National Park, o kung dai makatios, mag-agi sa Lucban lalo na sa Batis Aramin asin magloblob sa malipot na swimming pool na garo man sana sa Deo Endheka sa Sabloyon.
