Feeds:
Posts
Comments

Archive for February, 2010

Letters are flooding my e-mail: Nata daa ta wara na ki bagong entry?

It’s been a while, indeed. Pero para makabawi, let’s have a round up of the gubernatorial contenders for the 2010 elections as a starter.

Albay

  • Joey Salceda — Lakas-KAMPI CMD
  • Linda Montayre — KKK
  • Marcelino Cortes — PGRP

Expected winner si Salceda. Siya an tagapagmana kan darakulang political organizations sa Albay asin makusog an kapot niya sa mga barangay. Montayre claims to work for an NGO and has a record of challenging Bichara in the 1995 gubernatorial race. She was badly beaten by Bichara, though, and a repeat of her electoral history is expected this 2010.  Cortes, meanwhile, remains unknown.

Camarines Norte

  • Winifredo Oco – Lakas-KAMPI
  • Casimiro Roy Padilla Jr. — PMP
  • Edgardo Tallado — LP

It’s a three-cornered fight. Pero an binabantayan, an laban ni Roy Padilla Jr. asin Tallado. Dati nang nagkandidato si Tallado kan 2007 asin halos madaog na niya si incumbent Gov. Jesus Typoco Jr., kan 2007. An vote margin nnda 2,400 asin nasa Supreme Court pa an election protest ni Tallado sa alegasyon na dinaya siya ni Typoco. Ini nagpapatunay na may kusog pa si Tallado.

Camarines Sur

  • Felix Alfelor Jr — Lakas-KAMPI
  • L-Ray Villafuerte  — NP

Third-termer na si L-Ray asin sa bilog na probinsiya, mas dakula an makinarya kan mga Villafuerte kaysa sa mga Alfelor kaya mas L-Ray pa giraray. Lalo na ngonyan na nakaalyado an mga Alfelor sa Lakas-KAMPI.  Sa satuyang sinurat na “The Changing Mentality Behind the Bicolano Vote”, nagluluwas na an Camarines Sur asin an bilog na rehiyon, mas an ibinoboto sa national level mga opposition candidates. Kaya ngani nabansagan an Bicol na “Opposition Country”.

May magigibo pa sa kampanya ni Alfelor pero kun dai kaini makikiblit an tamang mga nota siring sa mga kuwerdas kan gitara, hanggang sa pagpapakulog lang an kayang magibo kan kampanya nin Nancing sa payo kan mga Villafuerte. Kung arin na kuwerdas asin kung ano’ng nota, ibang iristoryahan na yan.  Sabi ni political analyst Mon Casiple, iba an bayad sa consultancy.

Catanduanes

  • Joseph Cua — NP
  • Salvador Gianan — KBL
  • Manuel Montarde — PGRP
  • Joseph Santiago — NPC

Apat an maralaban pero sa ultimo, it’s still Joseph vers Joseph. Si Cua, incumbent na governor samantalang si Santiago, incumbent na congressman. kan 2007 elections, nakakua si Cua ki 53,087 na boto sa pagkagobernador asin si Santiago 53,123 sa pagka-congressman. Talagang bakbakan ining todo asin basagan ki bote… este, vote-bailiwick. Kun siisay an mang-gagana, dai pa masigurado. Nasa diskarte pa man giraray yan. Bareta niyato an peryodistang si Cham Degarcillanosa nasa ibong na kampo. Ano ngani ito padi su diskarte mo?

Masbate

  • Judith Espinosa — Independent
  • Elisa Kho — Lakas-KAMPI
  • Rizalina Seachon-Lanete — NPC

Si Elisa (o popular sa pangaran na Olga) an incumbent governor samantalang si Rizalina, incumbent congressman kan 3rd District. Dai pa kitang masyadong impormasyon kay Judith. Kan 2007, an naglaban kay Olga si Emilio Espinosa Jr.  24,000 an lamang kay Miling. Mas sikat si Miling kaysa kay Judith kaya puwede ng i-set aside si Judith sa analysis for the meantime. An hihilingon na lang, Olga vs Rizalina. Pero dahil district-based lang ang mga Seachon, maluwas na Olga pa giraray an magiging gobernador kan Masbate.

Sorsogon

  • Amadeo Brin — PGRP
  • Ramon Gallinera — Aksyon
  • Felizardo Garil — Independent
  • Antonio Imperial, Jr. — Independent
  • Raul Lee — Lakas-KAMPI
  • Jose Solis — KAMPI

Sa anom na nagraralaban, maluwas na Lee vs Solis man giraray. Si Raul Lee an dating gobernador asin agom kan presenteng gobernador kan Sorsogon na si Sally.  An sabi-sabi, dai pa giraray nagkukupas an makinarya kaini.  Si Solis naman, district-based lang asin an posibleng maginibo kaini, magpakulog lang ki payo pero sa ultimo, Lee pa giraray an gobernador. Nasa kay Solis na diskarte na lang kung papaanong sumurender si Lee sa kulog payo. An hapot lang: Kaya baya ni Solis an maghanap asin magbayad kan tamang mersenaryo kan kampanya?

Read Full Post »

Follow

Get every new post delivered to your Inbox.

Join 49 other followers